Nöts cun stëres tomëntes, dis dër cialc, musiga jazz da munt sö, de beles festes do da partides al palé plënes de emoziuns, nöts al chino alaleria ... Ëise ciamó vëia de aventöres?
I ves scincun n liber fora de na cerna de leteratöra premiada cun chël che i podëis vire de gragn momënc, sintí paoi tl vënter, aldí musiga te ostes orëdles, fá l'esperiënza de festes demorvëia, ciafé pel de iarina y ciamó cotan deplü. Danter i libri sarál da ciafé operes importantes dl'ert dl lingaz, dla trasmisciun emozionanta de savëi y valurs, y ciamó d'atri che sá da ti fá l'aurela cörta a che che i lí. Y ci é pa le plü bel? Impormó canche i dauriarëis sö gnarëise alsavëi ci liber che i ëis urté. Aspetede ala morvëia y godesse en chësc isté osc apuntamënt cun n liber zënza savëi ciun.

Dötes les leturies y düc i leturs che á na tessera dla biblioteca varënta pó jí a se tó n liber a sorpresa tl foyer dla Biblioteca provinziala Dr. Friedrich Teßmann dai 10.08.2023 inant - sambëgn ma tan dî che al n'é assá!

Na scomenciadia dla Biblioteca provinziala Dr. Friedrich Teßmann y dla Provinzia autonoma de Balsan.