Tratan süa vita s'á le poet y scritur todësch Christian Morgenstern tres indô tigní sö tla Talia, dal 1906 cina al 1914, l'ann de süa mort, él ince sté a Maran. Süa poesia ê dër influenzada dala tradiziun leterara nonsense ingleja y ê dër popolara. Impó n'á Morgenstern nia ciafé canche al ê ciamó en vita le reconescimënt che al s'ess mirité.

En ocajiun dl De dles biblioteches vëgnel porchël presenté l'ediziun n. 26 dla revista online "Fillide" che é dedicada a Christian Morgenstern.

En chësta sëra tignida te dui lingac él da s'aspeté n iade poetich olache al gnará porté dant toc fora dles operes de Morgenstern por talian y todësch. Al tolará la parora Luisa Bertolini, Barbara Ricci y Josef Prackwieser.

Heinrich Unterhofer y Simon Stampfer á scrit la musiga por n valgönes poesies de Morgenstern che gnará presentades dala mezzosopranista Maria Pandolfo y dal chitarist Roberto Zadra.

Na manifestaziun dla Biblioteca provinziala “Dr. Friedrich Teßmann” y dla Biblioteca zivica de Balsan en colaboraziun cun Fillide.

BIBLIOTECA ZIVICA DE BALSAN, VIA MUSEUM 47
DALES 18:00
Informaziuns al numer 0471 997940 | stadtbibliothek@gemeinde.bozen.it