I rejims totalitars sciöche le fascism, le nazionalsozialism y l'"austrofascism" á porté tles teres de confin Trentin, Südtirol y Tirol a na storia dramatica plëna de contradiziuns y evënc da temëi: popolaziuns intieres é gnüdes trates ite te na vera militara ideologica. L'"opziun" parô la sora soluziun por smendrí tenjiuns internes y ti jové ai interesc dles döes potënzes aleades. Le Trentin y le Südtirol, sciöche zona de operaziun dl raiun prealpin, é gnüs metüs sot a n control militar rigorus. Cun la capitulaziun dles forzes armades todësces é i trëi teritori gnüs scenars por flusc de profugs y rempatriá.
Chësta publicaziun impormó gnüda fora pita na odüda panoramica sön i diesc agn plü complesc dla storia europeica dala prospetiva dles teres de confin Trentin, Südtirol y Tirol.

Cërtl de discusciun por talian y todësch danter l'edituria Paola Bernardi, la storica y coauturia Eva Pfanzelter y le storich Maurizio Cau. La moderaziun vëgn surantuta dala storica y coauturia Adina Guarnieri.

Na manifestaziun dla biblioteca provinziala Dr. Friedrich Teßmann, dla "Fondazione Museo Storico del Trentino" y dla ciasa edituria Athesia-Tappeiner.