L catalogh cumplessif dl Südtirol myArgo dà la puscibltà de crì tl medemo tëmp te plu de 4 milions de media analogs y digitei y obiec, danter chisc libri, imajes, grafiches, DVDs, audiolibri/CDs, eBooks, eAudios, zaites, revistes, fotografies storiches, opres d'ert y obiec museai.

Chisc media vën dai catalogs dla biblioteches publiches talianes, tudësces y ladines y dala biblioteches dla scoles, dala Biblioteca provinziela Dr. Friedrich Teßmann, dala Biblioteca provinziela taliana Claudia Augusta, dal Zënter multilinguel de Bulsan y dala Mediateca linguistica de Maran, dala biblioteches online Biblio24 y Biblioweb, dal portal de media LeOn dl Ufize film y media, da Teßmann digital, dal catalogh di bëns culturei dl Südtirol, dal archif de imajes y dala biblioteca de servisc dl Archif provinziel dl Südtirol, dal Indesc provinziel dla frabiches sot a defendura di bëns culturei (browser di monumënc) y dal portal Open-Data dla Provinzia autonoma de Bulsan.

L ie per chësc a despusizion na lingia de pusciblteies de selezion y filtrazion coche nce de funzions.

Chësc curs de formaziun é n'introduziun al’adoranza de myArgo, le catalogh complessif dl Südtirol, sciöche stromënt de inrescida por le laur scientifich, redazional y museal, sciöche ince por porsones interessades ala storia y ala cultura.
Porchël gnarál traté dantadöt i dac dles biblioteches scientifiches y spezialistiches, de Teßmann digital y ince dla Suraintendënza provinziala por i Bëgns culturai y dl Ofize provinzial Museums y inrescida museala.


myArgo ie n proiet EFRE dla Repartizion Cultura tudëscia dla Provinzia de Bulsan y dla Biblioteca provinziela Dr. Friedrich Teßmann.

Data: 28.11.23
Orar: dales 15:00 ales 16:30
Lingaz: todësch
Iscriziun: cliché sön "Prenoté" sön chësta plata
Olá: online via Zoom (le link gnará comuniché adora assá do che an s’á scrit ite)
Al referësc: Philipp Santer dla Biblioteca provinziala Teßmann, Alessandro Campaner dl Archif provinzial y Notburga Siller dl Ofize provinzial Museums y inrescida museala.
Assistënza tecnica: Bibliotheksverband Südtirol (Assoziaziun Biblioteches dl Südtirol)