Trëi auturs y n'auturia á azeté l'invit dla GAV, l'assoziaziun dles auturies y di auturs de Graz (Grazer Autorinnen Autorenversammlung)/Südtirol da tigní na sëra de letöra a Balsan y liará fora de sües publicaziuns nöies y les presentará: Sabine Gruber cunta te so roman "Die Dauer der Liebe" sciöche al é da messëi vire inant zënza l'ater. Te "Villa Borghese", n volum de essay, se dá jö Bertrand Huber cun chestiuns esistenziales y te "Prantner oder Die Erfindung der Vergangenheit" nes condüj Josef Oberhollenzer fora por Aibeln, n paisc fitif dl Südtirol. Matthias Schönweger esperimentëia te so liber "Gebucht. Teil 1: Reise auch ein Tunwort. Teil 2: Reise auch ein Imperativ. Ein Drehbuch“ cun le lingaz ciaran da cöie le monn sciöche totalité.

Les conversaziuns cun l'auturia y i auturs vëgn moderades da Maria Piok, direturia dl Literaturhauses am Inn (Desproch).

Na manifestaziun dla Biblioteca provinziala Dr. Friedrich Teßmann y dla GAV (Grazer Autorinnen Autorenversammlung)/Südtirol, che é dal 2023 incá sot ala direziun de Jörg Zemmler.