Sot la direziun dl Prof. Antonino Benincasa á studënc y studëntes dla Facolté de Design y Ert dl'Université Lëdia de Balsan scomencé tl semester da d'isté dl 2023 n proiet de tipografia y design dl liber en colaboraziun cun la Biblioteca provinziala Dr. Friedrich Teßmann. Le fin ê chël da cherié n azes nü a tirolensia storics tres na conzeziun dl liber y dl oget moderna y esperimentala. Chësc prozes n'á nia ma pité na plataforma por se svilupé dal punt de odüda creatif, mo ince por capí plü a funz la storia y la cultura dl Tirol.
"Caution! Books under Construction“ simbolisëia l’evoluziun che tëgn pro tl monn dla conzeziun grafica di libri y alza fora le carater de prozes dl design dl liber ciaran da reconësce l'imperfeziun sciöche pert integranta de svilups creatifs. L'intenziun dla mostra é da rumpí cun l'estetica tradizionala cherian n'atmosfera groia y dinamica, y tl medemo tëmp da invié le publich da se lascé ite sön n iade afascinant olache i contignüs storics y le design modern s'incunta te n "cantier de creativité".

Na cerna de laurs realisá gnará presentada por le pröm iade a n publich plü ampl tl foyer dl Waltherhaus.

Can: 19.01.-17.02.2024, lön-sab, dales 9:00-18:00
Olá: Balsan, Waltherhaus, foyer dessura
Entrada lëdia

Na scomenciadia dla Biblioteca provinziala Dr. Friedrich Teßmann y dla Facolté de Design y Ert dl'Université Lëdia de Balsan.