Ci che al se ascogn sot i cuertli dles novités dla mostra de libri nes revelëia les rodes virtuales tres les corones de libri dles "Bücherwelten". Che al sides valch de particolarmënter garaté o de straordinariamënter demorvëia: Margot Schwienbacher, Stefanie Leiter y Franziska Cont nes dá na vijiun ti ciamps desvalis dla leteratöra por porsones adultes.

Lascesse cunté val' deplü da Margot Schwienbacher (mediadëssa de leteratöra y redadëssa lëdia) sön les operes y les auturies/i auturs che á ciafé n pest leterar tl setur "Premiá tröc iadi!“

Stefanie Leiter (Biblioteca publica de Burnech) Ves fej conësce sües racomanaziuns dër personales fora dl tema zentral "Dot con imajes" dla mostra "Monns di libri" da en chësc ann.

Franziska Cont (assistënta d'inrescida tl Zënter de competënza Storia regionala dl'Université lëdia de Balsan) Ves lascia gní para a süa escurjiun tres i Tirolensia presentá dal'Assoziaziun dles ciases edituries dl Südtirol y dala Biblioteca provinziala Teßmann.

Les espertes dl Jukibuz y dl Ofize provinzial Biblioteches y letöra pita na suravijiun dles formes y di genres de libri metüs fora che é por porsones de vigni eté, dai trëi agn insö.

Döt chësc y cotan deplü ciamó Ves aspeta sön le canal YouTube dles "Bücherwelten im Waltherhaus".

Na scomenciadia dla Biblioteca provinziala Dr. Friedrich Teßmann, dl Ofize provinzial Biblioteches y letöra y dl Jukibuz tl Südtiroler Kulturinstitut.