Tröpes parores é aldedaincö controverses. Ares vëgn conscidrades descriminëntes, razistes, aciariades negativamënter dala storia o scemplamënter ala vedla. "Ci pón pa pordërt ciamó dí?" é sovënz la reaziun a na discusciun dër cialda. Te sü libri “Kaputte Wörter? Vom Umgang mit heikler Sprache” y “Verbrannte Wörter. Wo wir noch reden wie die Nazis – und wo nicht” é le jornalist y autur Matthias Heine jü a funz dl lessich todësch. So obietif n'ê nia chël da mëte sö normes linguistiches, mo da rapresenté ogetivamënter da olache les parores vëgn, sciöche ares vëgn adorades y ince ciodí che parores singoles vëgn criticades. Süa inrescida y süa valutaziun ti pita aiüt a dötes les porsones che ó adoré le lingaz coscientamënter canche ara se trata da tó na dezijiun por o cuntra l'adoranza de certes parores.
Te so referat mostrará Matthias Heine tan interessant che al pó ester da odëi sciöche l'adoranza de n valgönes parores s’á svilupé tratan la storia. Cun chësc savëi vára da fá debates sön le lingaz te na manira cosciënta y nia polemica.

Matthias Heine, redatur dles plates de cultura dl foliet "Die Welt" a Berlin, stüde de germanistica y storia, publicaziun de de plü libri sön le lingaz todësch, danter l'ater “Kaputte Wörter. Vom Umgang mit heikler Sprache” (Duden, 2022), “Ausgewanderte Wörter. Von Deutschland in die ganze Welt” (Dumont 2022), “Krass. 500 Jahre deutsche Jugendsprache” (Duden, 2021), “Verbrannte Wörter. Wo wir noch reden wie die Nazis - und wo nicht” (Duden, 2019).

Na manifestaziun dl Ofize linguistich tl Südtiroler Kulturinstitut, dla Biblioteca provinziala Dr. F. Teßmann y dla Ciamena di jornalisć dl Trentin-Südtirol.