MOMËNT POR SE INSTËSC TE BIBLIOTECA
LEZIUN DE YOGA TL CHEDER DLA “NÖT DLES BIBLIOTECHES”

"Le corp é le bëgn plü de valur - al é la biblioteca de nüsc sentimënc y de nostes imajes, olache i podun sté tl chît" Gert Van Leeuwen

Tirede ite sot le fle, lascede da na pert les ghiranzes de döta l'edema y ciariede energia nöia ciaran te osc daite - döt é plü saurí sce an é tl dër ambiënt. Tolesse n momënt por os instësc tl'atmosfera chîta y relassada dla biblioteca.

dales 19:00 – 20:00
LEZIUN DE YOGA: LA CREATIVITÉ INCUNTA LE YOGA
Fajede n'esperiënza de movimënt nöia cun Katharina Theresa Mayr (process artist interdisciplinara y insegnanta de yoga). Ara se trata de secuënzes de movimënc meditatives, de Prana Vinyasa Flow Yoga aladô de Shiva Rea. Chëstes stimolëia la creativité, le movimënt lëde y l'ispiraziun. La biblioteca pîta la lerch ideala por chësc svilup. – Prenotede chiló!

dales 20:00 – 20:30 PALSA CUN TÊ Y ORDÖRA FRËSCA

dales 20:30 – 21:30
LEZIUN DE YOGA: CONZENTRAZIUN SPIRITUALA (MEDITAZIUN)
Sön chësc iade tl chît ves acompagnëia Alex-Bhaskara Parmeggiani (insegnant de yoga spezialisé tla tradiziun dl yoga integral dl maester Swami Sivananda) - Prenotede chiló!

La manifestaziun vëgn tignida tl salf de letöra dla Biblioteca provinziala. An ne mëss nia avëi conescënzes preliminares. An pó tó pert debann. Tolesse prëibel para n tapet da yoga y na copa dal tê!

Prenotede tres le sistem de prenotaziun sön la plata web dla Biblioteca provinziala: i posć é limitá! Prenotesse prëibel naota ma por öna n'ora. Sce al foss ciamó posć lëdi al ultimo momënt podëise tó pert diretamënter ala secunda unité.