“Wie viel Garten braucht der Mensch?” – chësc ie l titul de n liber de Ingrid Greisenegger di prim ani 2.000. La resposta ie: l plu che la va! Y chësc desmostrela cun ejëmpli cuncrec, scumencian cun l tëmp do la Segonda viera mundiela canche n ie passei dal ciamp de patac al verzon de reprejentanza aldò dl model de Hollywood cun la sief de tuies.
Cun l muvimënt “Urban-Gardening”, che la acumpanieia jurnalisticamënter dai ani ’90, ie l verzon deventà – sibe tla lerch privata che te chëla publica – na spersa de proiezion di svilups soziopolitics (“politica sun l taier”). N ejëmpl per la realisazion n ie la “City Farm Augarten” a Viena – n zënter de pedagogia di verzons, te chël che l vën praticà y dat inant tres workshops formes dl’agricultura auternatives cumpatibles cun l mudamënt climatich. Tlo leprò tochel danter l auter nce “Snow Food”: verdura da d’inviern frëscia che possa unì cultiveda d’inviern zënza sparcanté energia per l sciaudamënt y la iluminazion.

Ingrid Greisenegger, autora y jurnalista danter l auter per l Profil, l ORF Wirtschaftsmagazin ECO, l Falter y nsci inant. Pioniera dla pedagogia ambientela, cofundadëura dl muvimënt “Umweltspürnasen”. Atualmënter caporedatëura dl “Grüne Welt Journal” tla zaita “KURIER freizeit”. La ie tla grupa che mëina la “City Farm Augarten” a Viena.

Cun Ingrid Greisenegger rejona Waltraud Kofler Engl (Plataforma per l’arpejon culturela y la produzion culturela / Università Liedia de Bulsan).

N referat tl cheder dla lingia de lezions “Historische Gärten und Parkanlagen. Ein kulturelles Erbe im Wandel“ tl semester da d’instà merz-juni 2025 dla Università Liedia de Bulsan.

BEGINN: 19:30 UHR!
ACHTUNG NEUER VERANSTALTUNGSORT! Der Vortrag findet im Hörsaal F0.01 der Universität Bozen statt.