KINDER BRAUCHEN RESONANZ: I MËNDRI À DE BUJËN DE RESSONANZA
N REFERAT ONLINE TLA LINGIA “KIND & SPRACHE”
14.05.2025, 17:00 - 18:30
ONLINE
I mëndri chier reazions a chël che i fej. I à de bujën de ressonanza. Bele da fantulins chiri l cuntat visif cun si persones de relaziunamënt. Gesć y paroles amureivles y de ncurajamënt o nce mé l ti cialé cun aprijamënt ti dà la sensazion de unì cunscidrei, amei y recunesciui. Nce n pitl che fej ala scuenda se god, ora che i mumënc emoziunënc dl se scuender, dantaldut la legrëza de unì scuviert. Uni persona à l bujën de unì perzepida y de se relaziuné. Ma la nfanzia ie determinënta per l fat de crëscer su per deventé na persona che se sënt bënuluda o al cuntrer una che ne se sënt nia mpurtanta y nia tëuta n cunscidrazion. N pitl o na pitla che sënt che n ti uel bon y che n l/la stima à nce na gran mutivazion de mparé la rujeneda per pudëi se relaziuné miec cun chi y cie che ie ntëurvia.
L’autora y tuadëura de scienzes dl’educazion y scienzes sportives, la pruf. dut.ra Renate Zimmer, nes mustrerà te n referat coche genitores y d’autra persones de referimënt possa ti dé ai pitli na ressonanza positiva, nchinamei te mumënc zariëusc.
La prufessëura Renate Zimmer, che se cruzia te si nrescides dantaldut dla prima infanzia, à nsenià y fat nrescides al’Università de Osnabrück, la à menà per truep ani l Istitut per la furmazion y l svilup tla prima nfanzia de Niedersachsen, l ”Niedersächsisches Institut für frühkindliche Bildung und Entwicklung” (nifbe), y la ie fundadëura y diretëura dl “Institut Bewegte Kindheit”. Zimmer à scrit plu de 50 libri sun la tematiches sustëni dl svilup, mparé tl muvimënt (Bewegtes Lernen), psicomotorica y muvimënt y lingaz – chisc ie nce unic publichei te traduzions te truep lingac. Per si mpëni per i mutons iela tl 2007 unida unereda cun l orden de merit dla Republica federela tudëscia, l Bundesverdienstorden.
Na scumenciadiva dla “Sprachstelle” tl Südtiroler Kulturinstitut n culaburazion cun la Biblioteca provinziela Dr. Friedrich Teßmann.
Referat online via zoom. L ie de bujën se lascé nuté su: sprache@kulturinstitut.org. Fin dla iscrizion: lunesc, ai 12 de mei 2025. La partezipazion ie debant.
L’autora y tuadëura de scienzes dl’educazion y scienzes sportives, la pruf. dut.ra Renate Zimmer, nes mustrerà te n referat coche genitores y d’autra persones de referimënt possa ti dé ai pitli na ressonanza positiva, nchinamei te mumënc zariëusc.
La prufessëura Renate Zimmer, che se cruzia te si nrescides dantaldut dla prima infanzia, à nsenià y fat nrescides al’Università de Osnabrück, la à menà per truep ani l Istitut per la furmazion y l svilup tla prima nfanzia de Niedersachsen, l ”Niedersächsisches Institut für frühkindliche Bildung und Entwicklung” (nifbe), y la ie fundadëura y diretëura dl “Institut Bewegte Kindheit”. Zimmer à scrit plu de 50 libri sun la tematiches sustëni dl svilup, mparé tl muvimënt (Bewegtes Lernen), psicomotorica y muvimënt y lingaz – chisc ie nce unic publichei te traduzions te truep lingac. Per si mpëni per i mutons iela tl 2007 unida unereda cun l orden de merit dla Republica federela tudëscia, l Bundesverdienstorden.
Na scumenciadiva dla “Sprachstelle” tl Südtiroler Kulturinstitut n culaburazion cun la Biblioteca provinziela Dr. Friedrich Teßmann.
Referat online via zoom. L ie de bujën se lascé nuté su: sprache@kulturinstitut.org. Fin dla iscrizion: lunesc, ai 12 de mei 2025. La partezipazion ie debant.