Les parores é n spidl de ci che möi nosta sozieté. Porchël ne se dá nia ma jö la linguistica impara, mo ince la soziologia: dl 2004 á Ulrich Bröckling, Susanne Krasmann y Thomas Lemke publiché le liber dal titul "Glossar der Gegenwart" ("Glossar dl presënt") che é gnü atualisé 20 agn dedô tl "Glossar der Gegenwart 2.0" ("Glossar dl presënt 2.0"). Da inlaota incá s'ál mudé tröp ';"> dal'invenziun dl smartphone cina al gní sö dl nazionalism autoritar. Ara ne se trata nia de parores da vigni de che vëgn dant sovënz, mo de parores che rapresentëia ci che nes mëna o da ci che i nes lasciun mené. Ulrich Bröckling, professur de Soziologia culturala tl'Université Albert Ludwig a Freiburg, jará ite te so referat sön n valgügn ejëmpli. Kathrin Kunkel-Razum, che é stada tröc agn alalungia direturia dla redaziun dl Duden, s'á dé jö te süa profesciun dantadöt cun parores. Pro vigni ediziun nöia él da tó sö espresciuns nöies y da straiché chëres che ne vëgn nia plü adorades. Deboriada cun Ulrich Bröckling baiarára dles parores sciöche spidl de nosc tëmp.

Na manifestaziun dla Gesellschaft für deutsche Sprache/seziun de Balsan y dl Ofize linguistich tl Südtiroler Kulturinstitut, en colaboraziun cun la Biblioteca provinziala Dr. F. Teßmann, l'Ordin di jornalisć dl Trentin-Südtirol y la Volkshochschule Südtirol.

DALES 18:00
WALTHERHAUS, Salf dla Cassa dl Sparagn, SCHLERNSTR. 1, BALSAN
Entrada lëdia
Indicaziun por che che fej pert dl Ordin di jornalisć: Le referat vëgn reconesciü sciöche formaziun. Prëibel lascesse adintëne tres la plataforma formazionegiornalisti.it. Dötes les atres porsones interessades n'á nia bria da s'anunzié.

Foto: Foto Kathrin Kunkel-Razum Felix Pöhland Photography. Foto Ulrich Bröckling Franziska Müller unicross