GOTTFRIED SOLDERER O N TËMP DE DESCEDEDA NTELETUELA
N CËRTL DE CUNVERSAZION CUN L’AUTORA ADINA GUARNIERI, CHRISTOPH FRANCESCHINI, HANS HEISS Y GEORG MAIR
06.11.2025, 20:00
Bulsan, Biblioteca Provinziala Dr. Friedrich Teßmann
x La persona de Gottfried Solderer ie te chësc cërtl de cunversazion l pont de partënza per n viac ampl tl tëmp. Tl zënter ie l clima soziel, l ambient culturel y la cundizions politiches de curnisc che à lascià pro y caraterisà la fazion de si atività.
Percie iel pa unì metù su na cësa editëura nueva? Ciuldì ie pa nasciuda l’idea de na revista che vën ora n iede al’ena – y sota cie cundizions àla pa pudù deventé realtà? Ciuna dinamiches fova pa determinëntes te chëi ani? Chi fova pa la persones che ova cunlaurà y cumbatù cun ël, da chi ovel pa giapà mpulsc y cun chi àl pa partì si vijions?
Tres l ejëmpl de Gottfried Solderer uelen n chësta sëira dé na udleda a chël tëmp, al’atmosfera soziela y ala cundizions cultureles da ntlëuta, che à crià la fundamëntes acioche dal mpëni y dala ideies de singuli àl pudù unì a se l dé duta na szena de descededa nteletuela.
L cërtl de cunversazion cun Adina Guarnieri (publizista culturela y autora dl liber nuef unì ora dal editëur Raetia “Gottfried Solderer. Ein Leben für die Vielfalt”), Christoph Franceschini (jurnalist) y Hans Heiss (storich) vën moderà da Georg Mair (jurnalist, caporedadëur dla revista FF).
Na manifestazion metuda a jì deberieda dala Biblioteca provinziela Dr. Friedrich Teßmann, dala Edizion Raetia y dal Ufize Film y media.
SCUMENCIAMËNT: dala 20:00
Percie iel pa unì metù su na cësa editëura nueva? Ciuldì ie pa nasciuda l’idea de na revista che vën ora n iede al’ena – y sota cie cundizions àla pa pudù deventé realtà? Ciuna dinamiches fova pa determinëntes te chëi ani? Chi fova pa la persones che ova cunlaurà y cumbatù cun ël, da chi ovel pa giapà mpulsc y cun chi àl pa partì si vijions?
Tres l ejëmpl de Gottfried Solderer uelen n chësta sëira dé na udleda a chël tëmp, al’atmosfera soziela y ala cundizions cultureles da ntlëuta, che à crià la fundamëntes acioche dal mpëni y dala ideies de singuli àl pudù unì a se l dé duta na szena de descededa nteletuela.
L cërtl de cunversazion cun Adina Guarnieri (publizista culturela y autora dl liber nuef unì ora dal editëur Raetia “Gottfried Solderer. Ein Leben für die Vielfalt”), Christoph Franceschini (jurnalist) y Hans Heiss (storich) vën moderà da Georg Mair (jurnalist, caporedadëur dla revista FF).
Na manifestazion metuda a jì deberieda dala Biblioteca provinziela Dr. Friedrich Teßmann, dala Edizion Raetia y dal Ufize Film y media.
SCUMENCIAMËNT: dala 20:00