Foto: © El Menges

Unfat sce lëtra, anutazion, poejia o messaje audio: tesć che trata d’amor ie suvënz nluegei danter n gran gest y n’alujion chieta, danter kitsch y tlarëza, cliché y risch.
Te chësc workshop de scritura jons ala scuvierta dla lëtra d’amor coche forma leterera y se tulon nstësc dl’aurela de scrì nosc tesć. Deberieda lijons ejëmpli dla storia dla leteratura y dal didancuei y pruon ora formes y pruspetives defrëntes.
L workshop ie adressà a duc y dutes che à legrëza cun la letaratura y l scrì criatif.

Referënta: Greta Maria Pichler, autora
La partezipazion ie debant (al plu 12 persones, cun o zënza cunescënzes danora)
Prenutazion nchin ai 23.1.26 sota www.kulturinstitut.org
La manifestazion vën tenida per tudësch.

Greta Maria Pichler,
nasciuda dl 1996 a Bulsan, à studià filosofia y ert dl lingaz a Viena. La ie stata coredadëura dla revista leterera JENNY y ie cumëmbra dl team de ZeLT. Si tesć ie unic publichei te antologies, revistes letereres y tl radio. D’autonn dl 2024 iel unì ora si prim volum de lirica “Salzwasser” tla lingia Rohstoff pra l editëur Matthes & Seitz Berlin. La viv y lëura a Viena y Persenon.