Al lí y baia: Katharina Feist-Merhaut, Ursula Knoll, Paola Lopez, Hannah Lühmann, Christian Mitzenmacher, Maya Rosa

Moderaziun: Maria Piok

Program
14.30-16.00: Letöres y conversaziuns
Paola Lopez. Die Summe unserer Teile (Tropen Verlag, 2025)
Katharina Feist-Merhaut. Sterben üben (Otto Müller Verlag, 2025)
Hannah Lühmann. Heimat (Carl Hanser Verlag, 2025)

16.30-18.00: Letöres y conversaziuns
Ursula Knoll. Zucker (Edition Atelier, 2025)
Christian Mitzenmacher. Knallkrebse (Frankfurter Verlagsanstalt, 2025)
Maya Rosa. Moscow Mule (Penguin Verlag, 2025)

Val' resta, ince sce i lasciun ia. La familia por ejëmpl. Tl pröm roman de Paola Lopez "Die Summe unserer Teile" ti junse do por trëi generaziuns ales ëres de na familia tla Polonia, tla Germania y tl Libanon. Le titul "Zucker" dl roman nü de Ursula Knoll stá por ci che coliëia i destins dles ëres, de chi che ara cunta, dal 19ejim secul cina incö. N trasferimënt demez dala cité condüj la familia jona, che i incuntun tl roman "Heimat" de Hannah Lühmann, a lascé jí indalater n proiet de vita cun chël che la familia ê n iade a öna. Demez da Mosca y inant devers dl'Europa, chël é ci che Karina y Tonya ó tl pröm roman de Maya Rosa "Moscow Mule", cina che le some che ares á deboriada vëgn sotmetü a na proa de resistënza. Tl pröm roman de Christian Mitzenmacher "Knallkrebse" ti fej Tom da tot a Farid, n profugh de mëndra eté, y ai devënta amisc. Mo ester liá da n'amizizia ó ince dí savëi da lascé ia. Dles porsones che i pordun por dagnora, restel recorc, tan intensifs, bi y trisć coche ai vëgn descric da Katharina Feist-Merhaut te so pröm roman "Sterben üben". Sis romans y tröpes stories: Dl resté y dl lascé ia. De chël che nes unësc. Y de chël che nes despartësc. 

Na manifestaziun dl Ofize linguistich tl Südtiroler Kulturinstitut, Südtiroler Künstlerbund y dla Biblioteca provinziala Dr. Friedrich Teßmann tl cheder di “Bücherwelten tl Waltherhaus”.