Foto Anna Rottensteiner ©Birgit Köll, Foto Miriam Unterthiner ©Florian Dariz

Te sües ultimes operes ti vá do Miriam Unterthiner y Anna Rottensteiner ala storia: Ares cunta de colpes tignides ite y dl scuté coletif, de stories de ëres, segnades da imposiziuns da defora. Te Blutbrot él n paisc che scuta ia le rode che al á albü da daidé sciampé i criminai dl nazism, deperpo che al é la contrada instëssa che scomëncia da baié. Les usc dles ëres che á albü na vita caraterisada dal desraijamënt y dal dejider de portignënza rondenësc te Mutterbande tres les generaziuns.
Trames les operes intrecëia recort y lerch, corp y storia y lascia odëi ci che vëgn tiesciü inant sot ala suraspersa. Ares cunta de n danterite - danter posć, tëmps y identités - y ince de co che la leteratöra pó ti dé forma a chësta condiziun de balanza.

Miriam Unterthiner, Blutbrot. Theatertext. 2025 edition laurin
Anna Rottensteiner, Mutterbande. Roman. 2025 edition laurin

Na manifestaziun metüda a jí deboriada tl cheder di Bücherwelten 2026 da Bibliotech Provinziela y Südtiroler Künstlerbund.