Ala presentaziun dl liber nü “Ausschluss – Esclusione” fora dla ligna te dui lingac Zeitworte - Parole del tempo tolel pert les auturies Elvira Mujčić y Marlene Streeruwitz .

Les cater stories dl liber se dá jö cun la parora de nüsc tëmps “Ausschluss - Esclusione – Esclujiun” y tematisëia formes desvalies de portignënza y emarginaziun. Ares trata de porsones che se möi sön n terac nia sigü - danter azetanza y vulnerabilité, visibilité y invisibilité. Recorc, esperiënzes y conflic interns caraterisëia chisc toc de prosa che ne dá degönes respostes scëmples, mo ti vá do ales sfëntes sotides tres chëres che al vëgn a se le dé l’esclujiun che pó deventé normalité.

Les auturies Elvira Mujčić y Marlene Streeruwitz y i auturs Kurt Lanthaler y Sebastiano Mondadori scrí sön na parora-tle dl tëmp da sëgn. I tesć vëgn publicá tl lingaz original y tla traduziun (Michaela Heissenberger, Donatella Trevisan, Alma Vallazza y Stefano Zangrando) y deura prospetives nöies sön nosc presënt che i viun deboriada. La publicaziun tol ite dötes les stories te n volum por todësch y te un por talian.

Na manifestaziun metüda a jí deboriada dala Biblioteca provinziala "Dr. F. Teßmann", dala Biblioteca provinziala taliana "Claudia Augusta", dala Biblioteca zivica de Balsan, da Edizioni Alphabeta Verlag y ZeLT, le Zënter europeich por leteratöra y la traduziun.

Foto: Marlene Streeruwitz ©️ Mafalda Rakoš, Elvira Mujcic ©️ Paolo Falcucci