.La racoiüda "Frauen-, Geschlechter- und Queer-Geschichte" analisëia i svilups storics da na prospetiva critica de gender y mostra sciöche al é gnü formé raporc de podëi, identités y ordins soziai. I contribuc tol ite n tëmp che vá dala pröma eté moderna cina al presënt, coliëia formes de avijinamënt internazionales cun stüdi de caji regionai y lascia aldí les usc metüdes sön na pert.
Tl cheder dla presentaziun dl liber nes dá Katharina Crepaz y Josef Prackwieser, che á curé le liber, l'auturia Chiara Paris y l'autur Hannes Obermair na vijiun sön temesc zentrai y sön manires da ti jí pormez atuales dl'inrescida.

Na manifestaziun metüda a jí deboriada dala Biblioteca provinziala Dr. Friedrich Teßmann, dal Center for Autonomy Experience de Eurac Research y dal Archif dles ëres de Balsan.