La belëza y la tlerëza dla parora poetica caraterisëia la chirida radicala dla verité de Roberta Dapunt. Danter plüra personala y indignaziun politica analisëiera a na moda critica le podëi dl lingaz y i valurs de nüsc tëmps. Por ejëmpl canche ara ti vá do ales pedies di tröc chîc y canche ara incunta la morvëia o le sacher. Canche ara scrí cuntra le dolur porvia dles veres, dl raport cun migranc y migrantes y dla violënza cuntra les ëres, canche ara pënsa do sön la pordüda y la mort. Al vëgn tres controlé "les parores imper" che mostra sö süa impotënza. Na testemonianza intensiva de fragilité umana.
Roberta Dapunt é nasciüda a Badia, olache ara vir ince. Sües poesies é gnüdes laurades fora plü sovënz por la musiga, le teater y le film. Ara scrí por talian y ladin. Publicaziuns d.a. tla "Collana bianca" de Einaudi, te revistes y te antologies. La ciasa edituria todëscia Folio á publiché cina sëgn chëstes racoiüdes de poesies te dui lingac: Nauz (2019), dies mehr als paradies (2015), die krankheit wunder (2020) y Synkope (2021). Dl 2018 ti él gnü surandé le "Premio Letterario Internazionale Viareggio Rèpaci per la Poesia" y dl 2026 ára podü pié do le pest dër conesciü "Premio Montale per la poesia".

Na manifestaziun dla Biblioteca provinziala Dr. Friedrich Teßmann en colaboraziun cun la ciasa edituria Folio.

Foto Roberta Dapunt: © Anna Anvidalfarei
„...poesies che vëiga plü inant co les domandes, che ares se fej, y che á ciafé na forma iadelá da sü dübi personai, olache ares se desfalda te süa condensaziun, a ci che nos ti dijunn bel scëmpl belëza. Belëza, ajache le dolur y l'indignaziun che ciafa espresciun te chëstes poesies, ne fej nia a na moda che an pois i superé, mo altamo i dí ...“ (Fora dles parores de conclujiun de Alma Vallazza)