Le lingaz todësch ne vëgn nia propi conscidré n bel lingaz. Roland Kaehlbrandt é bun da desmostré le contrar! Por n linguist, che n'é nia ma sciöche Kaehlbrandt n germanist, mo ince n romanist, pó chësc ester demorvëia. Te so liber "Von der Schönheit der deutschen Sprache. Eine Wiederentdeckung“ (Dla belëza dl lingaz todësch. Na descurida.) mostrel tan bun che al pó soné le todësch, tan rich che al é de creaziuns artistiches de parores y frases y tan de belëza che al é te sü dialec. Le lingaz todësch pó slominé sciöche lingaz dla leteratöra, dla sciënza o de n discurs emozional avisa tan co tl cianté. Y cinamai na matada y umor toca pro le bel lingaz todësch.
Roland Kaehlbrandt jará ite te so referat y spo tla discusciun sön la domanda, ci fej pa bel n lingaz, y ciarará da baié sö so publich cun tröc ejëmpli dla belëza dl todësch.
Dla moderaziun se crüzia Nina Schröder (jornalista de Rai Südtirol)

Prof. Dr. Roland Kaehlbrandt é autur, professur onorar de lingaz y sozieté tla Alanus-Hochschule für Kunst und Gesellschaft (Scora Superiura Alanus por ert y sozieté) a Alfter dlungia Bonn y comëmber dl Kuratoriums der Deutschen Akademie für Sprache und Dichtung. Por sü miric sön la cosciënza linguistica y cultura linguistica ál ciafé de gran onoranzes todësces y franzejes, danterater la Crusc de mirit di Paisc Todësc y l'Onoranza de mirit nazionala dla Republica de Francia. Sü libri „Deutsch – eine Liebeserklärung. Die zehn großen Vorzüge unserer erstaunlichen Sprache“ (Piper Verlag, 2022) y „Von der Schönheit der deutschen Sprache. Eine Wiederentdeckung“ (Piper Verlag, 2025) é bestseller dl SPIEGEL.

Na manifestaziun dla Gesellschaft für deutsche Sprache/seziun de Balsan y dl Ofize linguistich tl Südtiroler Kulturinstitut en colaboraziun cun la Biblioteca provinziala Dr. F. Teßmann, l'Ordin di jornalisć dl Trentin-Südtirol y la Volkshochschule Südtirol.

Avis: Dötes les porsones interessades é inviades da tó pert al referat che vëgn reconesciü sciöche formaziun dal Ordin di jornalisć dl Trentin-Südtirol. Entrada debann!