banner-querformat
DAGNORA CHILÒ

La storia queere dl Südtirol é da aldí y odëi
19.11.2026, 20:00
Bulsan, Biblioteca Provinziala Dr. Friedrich Teßmann

Le proiet "Dagnora chiló" cöi adöm stories LSBTQIA+ de deplü generaziuns da döt le Südtirol. Te na pröma fasa él gnü fat intervistes audio cun porsones LSBTQIA+ che vëgn da perts desvalies dla provinzia. Les intervistes, che dá odlades te esperiënzes personales y de comunanza, vëgn publicades daldöt sön na plata internet aposta.

Tla secunda fasa röia les stories diretamënter ti comuns: Te ot posć dl Südtirol vëgnel metü sö tofles cun QR-Codes tles biblioteches y tles lercs publiches. I vijitadus y les vijitadësses pó s'ascuté sö diretamënter iló les intervistes. La presentaziun dles tofles vëgn acompagnada da sëres de dialogh cun n valgönes dles porsones intervistades.

Le proiet mostra sö, che les porsones LSBTQIA+ á dagnora fat pert dl Südtirol – sciöche comëmbri de familia, vijins y vijines, colegs y coleghes.

Tl medemo tëmp dess "Dagnora chiló“ porté pro a tó y jí tres le cunté da öna na pert y le ascuté sö dal'atra pert, cun preiudizi y ti dé na sbürla al barat.

Le proiet é gnü metü a jí dala regista Martine De Biasi; la cooperativa soziala Eklektika promöi le proiet. La secunda fasa vëgn acompagnada dala sënta spezialisada Prevenziun dla violënza tl “Forum Prävention”.

Sëres de conversaziun "Dagnora chiló“

23:09. – Maran
dales 20:00 –  Biblioteca zivica de Maran

24.09. – Bornech
dales 18:30 – Biblioteca zivica de Bornech – LibriKa

30.09. – Tlüses
dales 19:30 – Biblioteca zivica de Tlüses

02.10. – Salurn
dales 20:00 – Haus Noldin – Assoziaziun AFRA

07.10. – Sterzing
dales 19:30 – Salf Vigil Raber

08.10. – Prad am Stilfser Joch
dales 19:30 – Biblioteca publica Prad a. Stj.

19:11. – Balsan
dales 20:00 - Biblioteca provinziala Dr. Friedrich Teßmann

02.12. – Ciastel
dales 19:30 – Biblioteca de Ciastel

Le proiet vëgn sostigni da:

Provinzia autonoma de Balsan, Fondaziun Cassa dl Sparagn dl Südtirol, Cité de Maran – Referat por l'avaliaza dles chances, Centaurus Arcigay Alto Adige Südtirol, Südtirolo Pride, Biblioteca zivica de Maran, Biblioteca zivica de Bornech, Biblioteca zivica de Tlüses, Consëi de formaziun Salurn, Comun de Salurn, Biblioteca zivica de Sterzing, Comunité raionala Wipptal, Biblioteca publica Prad am Stilfserjoch, Comun de Prad am Stilfserjoch, Biblioteca provinziala Dr. Friedrich Teßmann, Biblioteca comunala Ciastel, KVW, BVS (Lia dles biblioteches Südtirol).