Dai 25 de messé 2022 inant pón s'anuzé tla Biblioteca provinziala dl’autoregistraziun por impresté fora y dé zoruch media pro certi terminai.

Da chësc de inant ëise a desposiziun a man dërta dl'entrada n terminal por la RESTITUZIUN automatica che reconësc i media che mëss gní dá derevers y i tol demez da osc cunt.

I media che i ëis prenoté ves vëgn arjigná ca y metüs sön la CORONA DE RETRATA y dailó podëise jí a se i tó autonomamënter por ti dé na odlada tl salf de letöra o i adoré fora dla biblioteca. Por l'imprëst fora dla biblioteca él da registré i media pro l'IMPRËST automatich. Da fá chësc adorëise osta tessera dla biblioteca Teßmann o osta Cherta di sorvisc (tessera sanitara). L’aparat reconësc i media metüs ite y i registrëia automaticamënter sön osc cunt d'imprëst.

Do che i se ëis impresté fora o i ëis dé zoruch i media ciafëise na cubita. Insciö ëise la suravijiun sön i media che i s’ëis imprësté fora, tan dî che i podëis se i tigní y canche i messëis i dé zoruch.