Teßmann digital é na plataforma online por ti podëi pormez a operes storiches digitalisades, dal 18ejim cina al 21ejim secul, por ladin, talian y todësch fora dl patrimone dla Biblioteca provinziala Dr. Friedrich Teßmann y dles istituziuns partner. Le fin de Teßmann digital é da conservé operes storiches, da fá che n publich ampl ti pois pormez lediamënter y debann, y ince da scemplifiché les inrescides te fontanes storiches.


Ci ciafëise pa tl portal Teßmann digital?

• Libri sön tematiches desvalies, publicá por na gran pert dan le 1900 tl raiun dl Tirol storich
• Foliec y revistes dl raiun alpin dal 18ejim cina al 21ejim secul
• Ilustraziuns (inzijiuns, dessëgns, schizes, imajes, chertes) dal raiun dl Tirol storich
• Contribuc fora dla racoiüda dla stampa sön la Leteratöra südtiroleja dl Südtiroler Künstlerbund


Co podëise pa s'anuzé di contignüs te Teßmann digital?

• Ai contignüs dl portal ti podëise pormez lediamënter y zënza messëi se registré.
• I podëis chirí contignüs di ciamps Libri, Foliec y Revistes y Archif leteratöra tl cheder de n'archirida sön le test integral cun parores de chirida.
• I digitalisac pó gní desćiariá y stampá.
• I resultac dles inrescides pó gní salvá individualmënter y cherdá jö canchessî tl ciamp personal.


NEW: Video tutorials por todësch y talian

Todësch:




Talian:




Sce i ëis domandes podëise damané le personal che laora te biblioteca o mené Osta domanda a info@tessmann.it