Displaced Positions é n proiet de n ann dla biblioteca te döta la provinzia, che é gnü a se le dé sön scomenciadia dla Biblioteca provinziala en colaboraziun cun le Museion y che é gnü sostigní dassënn dal Ofize Biblioteches y letöra y le Sorvisc de coordinamënt por l’integraziun.
12 Südtiroler Künstler/innen reflektieren Vorurteile zu Migration
I luoghi comuni sulla migrazione rivisitati da 12 artisti altoatesini
12 artistes y artisć dl Sudtirol pensa seura sun i pregiudizies ncont dla migrazion
La biblioteca provinziala oress a chësta moda tó posiziun sön ci che al sozed al momënt y fá a na moda che i se dunse jö deplü cun nostes impresciuns por ci che reverda minunghes conesciüdes y (pre)iudizi. Porchël é gnü invié 12 aristes y artisć dl Südtirol a se dé jö cun preiudizi sön la migraziun. Vigni arista y artist laora fora na cherta. Les chertes é spostamënc – displacements – dla minunga de strada – positions– sön i profugs.
Da impresté fora n liber tla biblioteca ciafa vigni porsona na cherta, che pó ince gní adorada sciöche sëgn de letöra. Vigni mëis vëgnel fora n’opera nöia sot forma de cherta. Les chertes pó gní coiüdes adöm n ann alalungia, tacades sö sön n gran calënder olache i podëis scrí lapró üsc pinsiers, ostes anotaziuns y esperiënzes. L’aziun é n invit a se dé jö personalmënter n ann alalungia impara y ti jí do a preiudizi. Le calënder y les chertes é da ciafé dabann te vigni biblioteca che fej para.
Le calënder vá dai 24 d’otober dl 2015 cina ai 22 d’otober dl 2016. Le sorvisc de fornidöra dl Ofize Film y media ti ortia ala fin dl mëis assá chertes al sorvisc d’imprëst dles biblioteches dl Südtirol. Les biblioteches interessades pó jí dailó a se i do. I calëndri pó gní rolená sö, metüs te n contignidú aposta y dá ales porsones interessades.
Artistes y artisć che tol pert:
Julia Bornefeld, Arnold Dall’O, Nicolò Degiorgis, Hannes Egger, Saman Kalantari, Franz Pichler, Brigitte Mahlknecht, Silvia Hell, Serena Osti, Simon Perathoner, Sara Schwienbacher, Gabriela Oberkofler.
Cherta
#1
Gabriela Oberkofler: T’as n bun tof
|
Cherta #2
Nicolò Degiorgis: Safina Nuh (berca de Noè)
|
Cherta #3
Serena Osti: Dreams and Nightmares |
Cherta #4
Simon Perathoner: Heimat_Glitch 2.0 |
Cherta #5
Julia Bornefeld: Confidence I |
Cherta #6
Arnold Dall'O: Wer ist der "Andere"? |
Cherta #7
Sara Schwienbacher: Stay Here! |
Cherta #8
Hannes Egger: Smartphone Aid |
Cherta #9
Silvia Hell: Biografie |
Cherta #10
Brigitte Mahlknecht: Ohne Titel "Im Grunde wollte ich noch nie..." |
Cherta #11
Saman Kalantari: The Original Displaced Position |
Cherta #12
Franz Pichler: Verbinden |