Le Catalogh online nü dla Biblioteca provinziala Dr. Friedrich Teßmann tessmann.myargo.bz se mostra cun na interspersa nöia, saurida da d’adoré y da na gran varieté, y canche i chiris valch ëise a desposiziun funzionalités surapró.

Tl Catalogh online nü dla Biblioteca provinziala ëise la poscibilité da inrescí te plü co 650.000 media fora dl patrimone dla Biblioteca provinziala Dr. Friedrich Teßmann, dl portal Teßmann digital cun libri, revistes y foliec digitalisá, leteratöra y material ilustratif y grafich, y ince fora de Biblio24, la Biblioteca online dl Südtirol, y aposté i media. I podëis jí a se tó les operes prenotades tla Biblioteca provinziala a Balsan y ince te düc i raiuns tres les biblioteches che tol pert al sorvisc de Imprëst interbibliotecar dl Südtirol.

Tl Catalogh online nü podëise ince odëi les entrades nöies fora di ciamps beletristica, media tematics, tirolensia, sciöche ince e-book y e-audio dla Biblio24, la Biblioteca online dl Südtirol, che vëgn atualisades vigni de. Les listes de media Ves dá la poscibilité da ciaré ite te temesc atuai tl cheder de rodes virtuales. Le catalogh online nü Ves pîta implü ince la poscibilité da s'arjigné ite corones de libri virtuales, salvé i resultac dl'inrescida che i podëis spo cherdé jö canchessî tl ciamp resservé, sciöche ince da partí les operes ti social media.
Le Catalogh online vëgn ajorné vigni de, al mostra la desponibilité de vigni ejemplar y é fat te n design responsif che dá la poscibilité da l'adoré te na manira scëmpla sön despositifs mobii desvalis, sciöche tablet o smartphone.

Porvede fora atira le catalogh online nü y inrescide sön ci che Ves interessëia! https://tessmann.myargo.bz

Chiló ciafëise n tutorial video por todësch, talian y ladin: